নতুন দিল্লী, ৰিয়েলটি ফাৰ্ম এম থ্ৰী এম ইণ্ডিয়াই গুৰুগ্ৰামত নতুন বিলাসী গৃহ নিৰ্মাণ প্ৰকল্পৰ পৰা প্ৰায় ৪ হাজাৰ কোটি টকাৰ ৰাজহ লাভ কৰাৰ আশা কৰিছে।

কোম্পানীটোৱে গুৰুগ্ৰামৰ গ’ল্ফ কোৰ্চ এক্সটেনচন ৰোডত নতুন আৱাসিক প্ৰকল্প ‘M3M Altitude’ আৰম্ভ কৰিছে য’ত ৩৫০টা বিলাসী এপাৰ্টমেণ্ট নিৰ্মাণ কৰিব।

এই ৪ একৰ প্ৰকল্পৰ উন্নয়নৰ বাবে এম টু এম ১২০০ কোটি টকা বিনিয়োগ কৰিব, আনহাতে বিক্ৰীৰ আনুমানিক ৰাজহ প্ৰায় ৪০০০ কোটি টকা।

কোম্পানীটোৱে ১০ কোটিৰ পৰা ৩০ কোটি টকাকৈ এপাৰ্টমেণ্ট বিক্ৰী কৰিছে।

শনিবাৰে এক বিবৃতিত কোম্পানীটোৱে ইতিমধ্যে প্ৰায় ১৮০ টা ইউনিট ১৮৭৫ কোটি টকাত বিক্ৰী কৰা বুলি জানিবলৈ দিয়ে।

এম থ্ৰী এম গ্ৰুপৰ সভাপতি সুদীপ ভাটে কয় যে এম ৩ এম এলটিটুড উন্মোচন কৰাৰ পিছৰে পৰা আমি ঘৰ ক্ৰেতাসকলৰ পৰা অনুসন্ধান আৰু আগ্ৰহৰ বিশাল সোঁত দেখিবলৈ পাইছো।

৪ একৰ ভূমিৰ এই প্ৰকল্পটো ৬০ একৰ ভূমিৰ এম ৩ এম গলফ এষ্টেট টাউনশ্বিপৰ অংশ।

ৰিয়েল এষ্টেট ডাটা এনালাইটিক ফাৰ্ম প্ৰপইকুইটিৰ মতে, দিল্লী এনচিআৰত গৃহৰ বিক্ৰী চলিত বৰ্ষৰ এপ্ৰিল-জুনৰ ভিতৰত ১০,১৯৮ ইউনিটলৈ বৃদ্ধি পাইছে, যিটো বছৰৰ আগৰ সময়ছোৱাত ৯,৬৩৫ ইউনিট আছিল।

গুৰুগ্ৰাম হাউছিং বজাৰত ডি এল এফ, চিগনেচাৰ গ্ল’বেল, আৰু এম ৩ এমকে ধৰি বহু ডেভেলপাৰৰ প্ৰকল্পত শক্তিশালী হাউছিং বিক্ৰী দেখা গৈছে।