ഹൈദരാബാദ്, മേഡക് ജില്ലയിലെ പെൺകുട്ടികൾക്കായുള്ള സർക്കാർ റസിഡൻഷ്യൽ സ്‌കൂളിലെ ഹോസ്റ്റലിൽ ഒമ്പത് വിദ്യാർത്ഥികളെ എലി കടിച്ചു.

ചൊവ്വ, ബുധൻ ദിവസങ്ങളിൽ രാത്രി ഹോസ്റ്റലിലെ മുറിയിൽ ഉറങ്ങുകയായിരുന്ന ഒമ്പതാം ക്ലാസിലെ വിദ്യാർഥികളെ എലി കടിച്ചതായി ഉദ്യോഗസ്ഥർ പറഞ്ഞു.

ഇവരെ രാമയാംപേട്ട മണ്ഡലത്തിലെ പ്രാഥമികാരോഗ്യ കേന്ദ്രത്തിൽ ചികിത്സ നൽകി വിട്ടയച്ചു.

എലിശല്യം തടയാൻ ആവശ്യമായ നടപടികൾ സ്വീകരിച്ചു വരികയാണെന്ന് ഉദ്യോഗസ്ഥർ പറഞ്ഞു.

അതേസമയം, സംഭവമറിഞ്ഞ് വിദ്യാർത്ഥികളുടെ ചില രക്ഷിതാക്കൾ ഇൻസ്റ്റിറ്റ്യൂട്ടിലെത്തി ഹോസ്റ്റലിൽ വൃത്തിയില്ലെന്ന് ആരോപിച്ച് പരാതി നൽകി.