കൊച്ചി: വിദ്യാർത്ഥിനിയോട് അപമര്യാദയായി പെരുമാറിയതിന് കൊച്ചിൻ സയൻസ് ആൻഡ് ടെക്‌നോളജി സർവകലാശാലയിലെ (കുസാറ്റ്) സിൻഡിക്കേറ്റ് അംഗത്തിനെതിരെ കേസെടുത്തതായി പോലീസ് തിങ്കളാഴ്ച അറിയിച്ചു.

സാംസ്‌കാരികോത്സവത്തിനിടെ പീഡിപ്പിച്ചെന്ന വിദ്യാർത്ഥിനിയുടെ പരാതിയുടെ അടിസ്ഥാനത്തിലാണ് സിൻഡിക്കേറ്റ് അംഗവും കുസാറ്റിലെ സ്റ്റുഡൻ്റ് വെൽഫെയർ ഡയറക്ടറുമായ പി കെ ബേബിക്കെതിരെ കേസെടുത്തതെന്ന് പോലീസ് പറഞ്ഞു.

ജൂലൈ ആറിന് ഇതു സംബന്ധിച്ച് എഫ്ഐആർ രജിസ്റ്റർ ചെയ്തു.

ഇന്ത്യൻ ശിക്ഷാനിയമത്തിന് കീഴിലുള്ള 354, 354 എ (1) (ഐ), 506 എന്നീ വകുപ്പുകളാണ് പൊലീസ് ചുമത്തിയിരിക്കുന്നത്.