নতুন দিল্লী, ১১ বছৰৰ ব্যৱধানৰ অন্তত পেট্ৰ’ল, চিএনজি আৰু ডিজেল গাড়ীৰ প্ৰদূষণ নিয়ন্ত্ৰণৰ অধীনত (পিইউচি) প্ৰমাণপত্ৰৰ চাৰ্জ বৃদ্ধি কৰা বুলি পৰিবহণ মন্ত্ৰী কৈলাশ গাহলটে বৃহস্পতিবাৰে প্ৰকাশ কৰে।

দুচকীয়া আৰু তিনিচকীয়া বাহনৰ চাৰ্জ ৬০ টকাৰ পৰা ৮০ টকালৈ, আৰু চাৰিচকীয়া বাহনৰ চাৰ্জ ৮০ টকাৰ পৰা ১০০ টকালৈ বৃদ্ধি কৰা হৈছে বুলি তেওঁ এক বিবৃতিত প্ৰকাশ কৰে।

গাহলটে কয় যে ডিজেল গাড়ীৰ পি ইউ চি প্ৰমাণপত্ৰৰ চাৰ্জ ১০০ টকাৰ পৰা ১৪০ টকালৈ সংশোধন কৰা হৈছে।

দিল্লী চৰকাৰে মহানগৰীৰ বায়ুৰ গুণাগুণ বজাই ৰখাৰ লগতে সকলো যান-বাহনে যাতে প্রদূষণৰ প্রয়োজনীয় মানদণ্ড পূৰণ কৰে তাৰ বাবে দায়বদ্ধ বুলিও তেওঁ কয়৷