ৰত্নাগিৰি, উপকূলীয় মহাৰাষ্ট্ৰৰ এখন চহৰৰ বৰষুণেৰে বুৰ যোৱা পথত ৮ ফুট দৈৰ্ঘ্যৰ কুমিৰে খোজ কাঢ়ি যোৱাৰ ভিডিঅ’ ভাইৰেল হৈ পৰিছে ছ’চিয়েল মিডিয়াত।

ৰত্নাগিৰি জিলাৰ চিপলুন চহৰৰ চিঞ্চনাকা অঞ্চলত অবিৰত বৰষুণৰ মাজতে এজন অট’ৰিক্সা চালকে এই ভিডিঅ’টো শ্বুট কৰিছিল বুলি এগৰাকী বিষয়াই জানিবলৈ দিয়ে।

ভিডিঅ’টোত আন কেইখনমান বাহনও দেখা গৈছে, য’ত দেখা গৈছে যে এখন অটোৰিক্সাই হেডলাইট জ্বলাই কুমিৰটোক ঠেং দিবলৈ চেষ্টা কৰিছে।

ওচৰৰ শিৱ বা বশিষ্ঠ নদীৰ পৰা কুমিৰটোৱে চহৰখনত প্ৰৱেশ কৰাৰ সম্ভাৱনা আছে বুলি বিষয়াগৰাকীয়ে জনায়।

বহু দৰ্শকে কুমিৰটোৰ ভিডিঅ’ শ্বুট কৰি ছ’চিয়েল মিডিয়াতো শ্বেয়াৰ কৰে। দেওবাৰে নিশা সংঘটিত হয় এই ঘটনা।