কোম্পানীটোৰ এক বিবৃতিত কোৱা হৈছে যে গ্ৰাহকে ২০০০ টকাৰ টোকেন ধন দি পৰৱৰ্তী গেলাক্সি জেড ছিৰিজৰ স্মাৰ্টফোন প্ৰি-ৰিজাৰ্ভ কৰিব পাৰিব।

চেমচাঙে কয়, ‘পৰৱৰ্তী গেলাক্সি জেড ছিৰিজৰ স্মাৰ্টফোন প্ৰি-ৰিজাৰ্ভ কৰাসকলে এই সামগ্ৰীসমূহ ক্ৰয় কৰিলে ৭ হাজাৰ টকা পৰ্যন্ত সুবিধা লাভ কৰিব।

ইয়াৰ উপৰিও গ্ৰাহকে ছেমছাঙৰ পৰৱৰ্তী গেলেক্সি ইক’চিষ্টেম প্ৰডাক্টসমূহ ১,৯৯৯ টকাৰ টোকেন পৰিমাণৰ সৈতে প্ৰি-ৰিজাৰ্ভ কৰিব পাৰিব আৰু এই প্ৰডাক্টসমূহ ক্ৰয় কৰিলে ৬,৪৯৯ টকা পৰ্যন্ত মূল্যৰ সুবিধা লাভ কৰিব পাৰিব।

দক্ষিণ কোৰিয়াৰ এই দৈত্যই অহা ১০ জুলাইত অনুষ্ঠিত হ’বলগীয়া বিশ্বব্যাপী অনুষ্ঠানত পৰৱৰ্তী প্ৰজন্মৰ গেলাক্সি জেড ছিৰিজৰ স্মাৰ্টফোন আৰু ইক’চিষ্টেম ডিভাইচ মুকলি কৰিবলৈ সাজু হৈছে।

“গেলাক্সি এআইৰ পৰৱৰ্তী সীমান্ত আহি আছে। এতিয়া শেহতীয়া গেলাক্সি জেড ছিৰিজ আৰু সমগ্ৰ গেলাক্সি ইক’চিষ্টেমত সোমাই পৰা গেলাক্সি এআইৰ শক্তি আৱিষ্কাৰ কৰিবলৈ সাজু হওক।’- কোম্পানীটোৱে কয়।

বজাৰ চোৱাসকলে আশা কৰিছে যে ছেমছাঙে নিজৰ নতুন গেলাক্সি জেড ফল্ড ছিৰিজ আৰু গেলাক্সি জেড ফ্লিপ ৬ বিল্ট-ইন জেনেৰেটিভ এআইৰ সৈতে উন্মোচন কৰিব।

ইয়াৰ উপৰিও চেমচাঙে প্ৰথমটো গেলাক্সি ৰিং স্মাৰ্ট ডিভাইচ আৰু গেলাক্সি ৱাচ ৭ ছিৰিজ প্ৰদৰ্শন কৰাৰ সম্ভাৱনা আছে।