মুম্বাই, মহাৰাষ্ট্ৰৰ কিছু অংশত হোৱা প্ৰচণ্ড বৰষুণৰ পৰিপ্ৰেক্ষিতত ৰাজ্য চৰকাৰে সোমবাৰে মুম্বাই, ৰত্নাগিৰি আৰু সিন্ধুদুৰ্গ জিলাৰ সকলো বিদ্যালয়ৰ বাবে বন্ধ ঘোষণা কৰে।

মহাৰাষ্ট্ৰৰ বিদ্যালয়ৰ শিক্ষামন্ত্ৰী দীপক কেছাৰকাৰে ইয়াৰ ৰাজ্যিক বিধান পৰিষদত এই ঘোষণা কৰে।

"যোৱা নিশা মুম্বাইত বৰষুণ হয়। আমি পুৱা জাননী জাৰি কৰি মুম্বাই চহৰ, মুম্বাইৰ উপনগৰ, ৰত্নাগিৰি আৰু সিন্ধুদুৰ্গ জিলাৰ সকলো বিদ্যালয়ৰ বাবে আজি বন্ধ ঘোষণা কৰিছো।"

কেন্দ্ৰীয় ৰে’লপথত স্থানীয় ৰে’লৰ চলাচলতো প্ৰভাৱ পৰিছে বুলি মন্ত্ৰীগৰাকীয়ে জানিবলৈ দিয়ে।

স্থানীয় ৰে’লবোৰ ৩০-৪০ মিনিট পলমকৈ চলি আছিল। বিয়লিৰ ভিতৰত পৰিস্থিতিৰ উন্নতি হ’ব বুলি সদনত কেশৰকাৰে কয়।