নতুন দিল্লী, কংগ্ৰেছৰ নেতাসকলে মঙলবাৰে মুখ্য নিৰ্বাচন আয়ুক্ত ৰাজীৱ কুমাৰকে ধৰি অন্যান্য নিৰ্বাচন আয়ুক্তক সাক্ষাৎ কৰি বিশেষকৈ উত্তৰ প্ৰদেশ আৰু বিহাৰত ভোটগণনা লেহেমীয়া হোৱাৰ অভিযোগ উত্থাপন কৰে।

অভিষেক সিংৱী আৰু ছলমান খুৰছিদকে ধৰি প্ৰতিনিধি দলটোৱে সকলো সমষ্টিতে প্ৰতি ৰাউণ্ড গণনাৰ অন্তত নিজৰ ৱেবছাইটত ৰিয়েল টাইম ফিগাৰ দিবলৈ দাবী জনায়।

'আমি কেৱল বিভিন্ন ৰাউণ্ডৰ গণনাৰ পিছত নিৰ্বাচনৰ ৱেবছাইটত ফলাফল আপডেট কৰাটো বিচাৰো। কিন্তু, আমি লক্ষ্য কৰিছো যে বিশেষকৈ উত্তৰ প্ৰদেশত দুপৰীয়া ২.৩০ বজাৰ পিছত গণনাৰ প্ৰক্ৰিয়া লেহেমীয়া হৈছে।'

তেওঁ কয় যে কংগ্ৰেছৰ প্ৰতিনিধি দলে এই মন্থৰতা নিৰ্বাচন আয়োগলৈ আঙুলিয়াই দিছে।