ওড়িশাঃ ৰাজনীতি ত্যাগ কৰিলে বিজেডিৰ অচ্যুত সমান্তৰ

লোকসভা আৰু বিধানসভা নিৰ্বাচনত আঞ্চলিক দলৰ পৰাজয়ৰ পাছত দেওবাৰে বিজেডি নেতা তথা প্ৰাক্তন সাংসদ অচ্যুত সমন্তাই সক্ৰিয় ৰাজনীতিৰ পৰা বাহিৰ হোৱাৰ কথা ঘোষণা কৰে ভুৱনেশ্বৰে।

কান্ধমাল লোকসভা আসনৰ পৰা পৰাজিত সমান্তই বিজেডিৰ সভাপতি নবীন পাটনাইক সাক্ষাৎ কৰাৰ এদিন পিছতে এই ঘোষণা কৰে।

KIIT আৰু KISSৰ দৰে শিক্ষানুষ্ঠানৰ প্ৰতিষ্ঠাপকগৰাকীয়ে ৰাজ্যসভা আৰু লোকসভা দুয়োটাতে তেওঁক সুযোগ দিয়াৰ বাবে পাটনাইককো ধন্যবাদ জনায়।

বিগত ৩২ বছৰ ধৰি প্ৰদান কৰি অহা সমাজ সেৱা অব্যাহত ৰাখিব বুলিও কয় প্ৰাক্তন সাংসদগৰাকীয়ে।

সমান্তই বিজেডিৰ সদস্য আৰু কান্ধমল সংসদীয় সমষ্টিৰ ৰাইজক তেওঁলোকৰ মৰম আৰু সমৰ্থনৰ বাবে ধন্যবাদ জ্ঞাপন কৰে।

সম্প্রতি অনুষ্ঠিত হোৱা নির্বাচনত কান্ধমালত সমন্তক ২১,৩৭১টা ভোটৰ ব্যৱধানত পৰাস্ত কৰে বিজেপি প্রার্থী সুকান্ত কুমাৰ পানীগ্রহীয়ে৷