উন্নাও (ইউ পি), এই উত্তৰ প্ৰদেশ জিলাৰ আগ্ৰা-লক্ষ্ণৌ এক্সপ্ৰেছৱে’ত বুধবাৰে এখন বাছে টেংকাৰৰ সৈতে খুন্দা মৰাত কমেও ১৮ জন লোক নিহত আৰু ১৯ জন আহত হয় বুলি আৰক্ষীয়ে জানিবলৈ দিয়ে।

বঙাৰমৌ অঞ্চলৰ জোজিকোট গাঁৱৰ সমীপত পুৱা সংঘটিত হোৱা এই দুৰ্ঘটনাটোত ডাবল ডেকাৰ বাছখনে টেংকাৰখনৰ সৈতে খুন্দা মৰাৰ ফলত ১৮ জন লোকৰ মৃত্যু হোৱাৰ লগতে ১৯ জন আহত হয় বুলি বঙাৰমৌৰ চক্ৰ বিষয়া অৰবিন্দ কুমাৰে জানিবলৈ দিয়ে।

আহতসকলক ততাতৈয়াকৈ চিকিৎসালয়লৈ লৈ যোৱা হৈছে আৰু তেওঁলোকৰ অৱস্থা সুস্থিৰ বুলি উল্লেখ কৰা হৈছে বুলি বিষয়াগৰাকীয়ে জনায়।