गाझियाबाद, येथील वसुंधरा भागातील एका घराला गुरुवारी एअर कंडिशनरच्या कॉम्प्रेसरमध्ये स्फोट झाल्याने आग लागली, अशी माहिती पोलिसांनी दिली.

या आगीत कोणीही जखमी झाले नसून घराचा काही भाग जळून खाक झाल्याचे त्यांनी सांगितले.

मुख्य अग्निशमन अधिकारी राहुल पाल यांनी सांगितले की, "पहिल्या मजल्यावर बसवण्यात आलेल्या एअर कंडिशनरच्या कॉम्प्रेसरमध्ये झालेल्या स्फोटामुळे लागलेली आग घराच्या दुसऱ्या मजल्यावर पसरली."

"घटनास्थळी पोहोचलेल्या आमच्या पथकाने मोठी हानी होण्याआधीच आगीवर नियंत्रण मिळवले," ते पुढे म्हणाले.

घरातील रहिवाशांनी टेरेसवर चढल्याने त्यांची सुटका झाली, असे अधिकाऱ्याने सांगितले.